بصراحه بقلم
سمير المسلمانى
لمصلحه من يحدث هذا ؟
من يتستطرعلى الفساد فى رى الشرقيه ؟
كيف يتم بناء سدود وحجز مياة عن اراضى زراعيه وتبوير اراضى دون سبب ؟
سيادة اللو…. قبل ماتتصور سلفى من صحفيين اعتادوا يأكلوا على كل الموائد من اللى سبقوك واللى لسه جايين بعدك وتخلى الصحفيه تحط ايديها على كتفك.. وقبل جنابك ماتحرك موكبك وتشل حركه المرور فى شارعين الزقازيق وتشخط وتنطر فى خلق الله.. كأن المواطنين شغالين فى العزبه عند جنابك… وقد ماتهز الدواوين علشان تدور على كشف حضور وانصراف وانت تعلم ان الموظف بياخد مرتب بدل بطاله مش علشان هو موظف وبياخد مرتب يسترة… شوف الخيبه اللى المواطن يعيش فيها .
لما الرئيس طلب بأزاله المخالفات واعادة املاك الدوله وجنابك تحركت ضد بسطاء وجبت عاليها واطيها على الغلابه قدرت تقرب لطريق الغشام.. رجعت اراضى مصريه بلازا ولما هدمت بيوت فوق رؤس اصحابها عملت ايه بيها .. نفس الاراضى ونفس البيوت رجعوا اصحابها تانى بس كل اللى عملت شو اعلامى كبير وصرفت على البروجندا كتير علشان الريس يرضى عنك.
حليت ازمه المرور … مريت مرة على المدن والقرى سألت االمواطنين فى الشرقيه على معاناتهم المستمرة من انقطاع المياة والنور سألت نفسك شغلت مين من الشباب دورت على فساد الدواوين وبتوع التراخيص حسبت اللى اعطوا تراخيص للمخالفين فى حى اول وتانى والوحدات المحليه.. حليت ازمه المواصلات فى الشرقيه رفعت كميه القمامه الموجودة فى كل شوارع المحافظه ولا سعادتك فاكر ان المحافظه هو مبنى المحافظه وشارع المحافظه فقط لا اصحى معاليك موجود لخدمه المواطنين بتاخد مرتبك مش علشان كل يوم تدهن رصيف شارع الجلاء وكوبرى الصاغه.. سوف تسأل امام الله عن ماذا فعلت وانت فى مكان المسئوليه.
كوبرى القنطرة اللى تكلف 7 مليو جنيه مالفائدة التى تعود على المواطن منه ؟ كان الاول تنفيذ القرارات السابقه وازاله السجن العمومى من داخل مدينه الزقازيق وحل المشكله نهائيا.. الايوجد رصيف واحد يسير عليه المواطن فى الشرقيه.. ماذا فعلت فى مزلقان ابو عميرة وهل معنى اننا ننشىء كوبرى نغلق الطريق والشارع العام اسفله والمخرج والمتنفس الوحيد لقسم الحريرى وحسن صالح غلقه واعطاءة محلات للسماكين يعنى مش كفايه الحلقه وقرف الحلقه ياراجل اعمل حاجه المواطن يفتكرك بها .. عموما المواطنين مش هينسوك !كل ماتيجى سرتك على طول………………… !
الغريب ان كل مسئول يدخل المحافظه يكرمه ويعطيه درع المحافظه نفس اعرف كم تكلفه هذة الدروع لان التكريم عند جنابه عادة !
الناس تترحم على يوم من ايام الدكتور رضا عبد السلام
اقولها بمل فىء انت غير مرغوب عنك فى الشرقيه.. وانا لله وانا اليه راجعون فى عاصمه مصر الوسطى .
